نايس كورة يكتُب.. الاسبوع اللي جاي مصر ممكن تكون مع قرار عالمي هيغير مجري ومعدلات الاقتصاد المصري بشكل كامل.. ياتري اية هو القرار ده.. واية تاثيره علي الاقتصاد المصري..

ما يقرب من سنتنين كاملتين حاليا والشرق الأوسط بيعيش مرحلة مختلفة تماما من التحولات والتغيرات الجيوسياسية وتحديدا من 7 أكتوبر 2023، والتغيرات للاسف اثرت علي الاقتصاد العربي بشكل عام وعلي الاقتصاد المصري بشكل خاص، واللي بيعد أكثر الاقتصادات اللي تاثر بارقام كبيرة بسبب التحولات الجيوسياسية الأخيرة والخريطة اللي بتترسم من جديدة لمنطقة الشرق الأوسط.

التاثير السلبي للتوترات الجيوسياسية كانت لها اثارها السلبية علي المصدر الأول والأهم لمصر للدولار في مصر وهيا قناة السويس واللي ايراداتها تراجعت باكثر من 70% عن الارقام اللي كانت القناة بتحققها في السنين اللي فاتت بسبب التوترات والتحولات الأخيرة، وده بسبب الضربات اللي بتقوم بيها واحدة من القوي العسكرية علي السفن التجارية علي طول المجري الملاحي للبحر الأحمر، واللي كان السبب في تحويل حركة التجارة العالمية بشكل كامل للعبور من طريق رأس الرجاء الصالح بعيدا عن العبور بالمجري الملاحي في البحر الاحمر لتفادي التعرض للضربات العسكرية.

الخسائر اللي حققتها قناة السويس من بداية ظهور التوترات الجيوسياسية وصلت لأكثر من 7 مليار دولار كانت بتدخل في الناتج القومي المصري سنويا، وخلال السنيتن اللي حصلت فيهم التحولات الاخيرة الدولة المصرية خسرت ما يقرب من 14 مليار دولار، كانوا كافيين لتغير شكل وسعر صرف الجنية المصري بشكل كامل.

طيب اية القرار اللي مصر في انتظاره الاسبوع اللي جاي ؟.
في تقارير إعلامية كتيرة اكدت ان في اجتماع هيحصل الإسبوع اللي جاي في البيت الأبيض لبحث وقف إطلاق النار قطاع غزة، والتوصل لاتفاق لهدنة مطولة لدخول المساعدات الإنسانية إلي القطاع، وفي حالة التوصل للاتفاق ده فيكون له عوائد اقتصادية كبيرة جدا علي الاقتصاد المصري خصوصا قناة السويس واللي هترجع تستقبل السفن التجارية بشكل كبير واللي متوقع أنها تكون مرتفعة جدا بسبب الاحجام الكبيرة اللي حصل من شركات التجارة العالمية في نقل البضائع خلال الفترة اللي فاتت بسبب عدم استقرار الأوضاع الملاحية في البحر الأحمر.

الزيادات الكبيرة اللي متوقعة تحصل بايرادات قناة السويس مش هتكون من رسوم العبور بس، لا ده في مصادر تانية هتدخل في زيادة الايرادات زي الخدمات اللوجيستية اللي اضافتها القناة لجدول خدماتها للسفن اللي بتعبر من قناة السويس، واللي كان الهدف من ادخالها هو زيادة الإيرادات مع عودة حركة المرور والعبور بالمجري الملاحي للقناة فالايرادات مرشحة للتضاعف مرات المرات، وده بهدف تعويض خسائر القناة علي مدار السنتين اللي فاتوا وكمان تحقيق ارقام قياسية جديدة من الإيرادات .